4. Namminersorlutik Oqartussat

2019-imi Namminersorlutik Oqartussat 6.931 mio. kr.-it aningaasat atorsimavaat. 2018-imut sanilliullugu 72 mio. kr.-inik ikinnerusimapput, 7.003 mio. kr.-it atorneqarsimallutik. 

 

Titartakkami 4.1-mi takuneqarsinnaapput 2019-imi Namminersorlutik Oqartussat aningaasat atugaat suliaqarfinnut immikkoortillugit. Naalakkersuisoqarfinni ataasiakkaani allaffissornerit sulianut immikkoortinneqarput.

 

Titartagaq 4.1
Namminersorlutik Oqartussaat aningaasat atugaat sulianut immikkoortiterlugit 2019

 

Namminersorlutik Oqartussat peqqinnissaqarfik ingerlatarivaat. 2019-imi peqqinnissaqarfik Namminersorlutik Oqartussani nalinginnaasumik pisortat kiffartuussineranni aningaasanik atuiffiunerpaajusimavoq. 1.649 mio. kr.-it peqqinnissaqarfimmut atorneqarsimallutik Namminersorlutik Oqartussat aningaasanik atuinerisa 23,8 pct.-eralugu.

 

2019-imi ilinniartitaanermut aningaasat atorneqartut 1.141 mio. kr.-iusimapput, 2018-imut sanilliullugu annikitsuinnarmik appariarpoq. Namminersorlutik Oqartussat aningaasanik atuinerisa 16,5 pct.-erivaat.

 

Isumaginninneq Namminersorlutik Oqartussat suliaasa pingaarnerit ilagivaat. 2019-imi 879 mio. kr., tassa Namminersorlutik Oqartussat aningaasartuutissaminnut naatsorsuutaani 12,7 pct.-iat tassunga atorsimavoq. Isumaginninnermut tunngasut pineqartut ukuupput; ilaqutariit, meeqqat, inuusuttuaqqat, innarluutillit, utoqqaat, suliffeqarfiit, inissiat, pinaveersaartitsineq kiisalu inuuniarnermut tapit, erninermi ullormusiat, ineqarnermut tapit, peqqissarneq, piffissani aalajangersimasuni suliffissaaleqisarnerup akiorniarnera, siusinaarluni suliunnaarnermusiat, utoqqalinersiat il.il.

 

Nalinginnaasumik pisortat kiffartuussineri aamma aningaasaqarnermut tunngasut Namminersorlutik Oqartussat ingerlataanut pingaarnernut ilaasut kingullersaraat. Tassunga ilaapput; Namminersorlutik Oqartussat ingerlanneqarnerat, tassunga ilaallutik Naalakkersuisut, Aningaasaqarnermut Naalakkersuisoqarfik, Nunanut allanut Naalakkersuisoqarfik il.il. aamma aningaasanik nuussinerit assigiinngitsut. Tassunga aamma ilaapput ass. niuernermi, kiffartuussinerni aamma takornariaqarnermi suliffeqarfinnut tapit kiisalu aalisarnermut, piniarnermut nunalerinermullu tapit. 2019-imi nalinginnaasumik pisortat kiffartuussinerannut aningaasat atorneqartut 2.029 mio. kr.-iupput aningaasaqarnermut tunngasut 832 mio. kr.-iusut.

 

Inissianut tunngatillugu Namminersorlutik Oqartussat aningaasat makkununnga atornerusarpaat; nutaanik sanaartornernut aamma pioreersunik pisortat illuutaanik nutarterinernut. 2019-imi aningaasat tassannga atorneqartut 78 mio. kr.-iusimapput Namminersorlutik Oqartussat aningaasanik atuinerisa 1,1 pct.-erivaat.

 

Takussutissiami 4.1-imi takuneqarsinnaapput Namminersorlutik Oqartussat isertitaat suunerinut aamma aningaasarsiorneq tunngavigalugu agguataarlugit.

 

Takussutissiaq 4.1
Namminersorlutik Oqartussat aningaasat atugaat, aningaasarsiorneq tunngavigalugu agguataarlugit

 

 

2015

2016

2017

2018

2019

 

 

Mio. kr.

1.

Ingerlatsinermut aningaasat atorneqartut ..

5.926

6.110

6.142

6.433

6.619

1.1

Atuinerit katillugit .....................

3.129

3.268

3.363

3.409

3.606

1.2

Ingerlaavartumik aningaasanik nuussinerit  .

2.797

2.841

2.779

3.025

3.013

 

 

 

 

 

 

 

2.

Aningaasaliinermi aningaasat atorneqartut .

471

372

565

569

312

2.1

Pigisanut nalilinnut aningaasat atorneqartut iluarsisat ...........................

253

244

362

330

243

2.2

Aningaasaliissutinik nuussinerit  .........

218

129

203

239

69

 

 

 

 

 

 

 

A.

Aningaasat atorneqartut katillugit.......

6.397

6.482

6.707

7.003

6.931

 

 

 

 

 

 

 

3.

Ingerlatsinermi isertitat .................

6.719

7.043

7.094

7.871

7.894

3.1

Inuussutissarsiutinit isertitat .............

339

340

346

342

336

3.2

Pigisanit nalilinnit isertitat ...............

289

351

315

384

873

3.3

Nioqqutissiornermi aamma eqqussuinermi akileraarutit .........................

909

1.027

1.044

1.201

1.207

3.4

Ingerlaavartumik akileraarutit ............

1.143

1.299

1.275

1.758

1.190

3.5

Ingerlaavartumik aningaasanik nuussinerit allat ...............................

4.039

4.025

4.114

4.187

4.287

 

 

 

 

 

 

 

4.

Aningaasaliissutinit isertitat .............

-

20

-

-

-

 

 

 

 

 

 

 

B.

Isertitat katillugit....................

6.719

7.063

7.094

7.871

7.894

 

 

 

 

 

 

 

C.

Ingerlatsinermi sinneqartoorutit (3-1) (sipaakkat tamakkerlugit).............

793

933

951

1.437

1.275

 

 

 

 

 

 

 

D.

Ingerlatsinermi aamma aningaasaatinit/pigisanit nalilinnit sinneqartoorutit (B-A)
(atorneqarsinnaalersut, ilanngaatissat ilanngaatigereerlugit)................

322

581

386

868

963

Malugiuk. Naatsorsuutit ataatsimoortinneqarput, taamaattumik ENS 1995 malillugu suliarineqarmata pisortaqarfiit akornanni nuussinerit ilaanngillat. Taamaasilluni 2019-imi Namminersorlutik Oqartussani ingerlatseqatigiiffinnut immikkut inatsisitigut akisussaaffimmik tunineqarsimanngitsunut aningaassaliissutit 6 mio kr.-iusut kisitsisinut paasissutissanut ilanngunneqanngillat.

 

2019-imi Namminersorlutik Oqartussat 963 mio. kr.-inik sinneqartooruteqarput. 2018-imi aningaasat atorneqarsinnaalersut qaffasinnerusimapput taamani 868 mio. kr.-iugamik. Aningaasat atorneqarsinnaalersut qaffannerinut pissutaasut tassaapput pigisanit nalilinnit isertitat, ass. aktiatinit iluanaarutit. Ingerlatsinermi sinneqartoorutit aamma sipaakkat tamakkerlugit-mik taaneqartarput, 11,3 pct.-imik appariarput 1.275 mio. kr.-inngorlutik.

 

Pisortat aningaasaqarneranni aningaasat atorneqarsinnaalersut nunatta karsiata naatsorsuutaani DAU-saldo-mut (DAU ingerlatsineq (drift), Anlæg (sanaartorneq) aamma Atortitsinermit (Udlån) naalisagaavoq) taputartuunneqassanngillat, taanna nunatta karsiata naatsorsuutaani 137 mio. kr.-inik 2019-imi sinneqartoorfiusimasutut nalunaarutigineqarsimavoq. Pisortat aningaasaataanni atorneqarsinnaalersut 963 mio. kr.-iuneranut, Nunatta karsiani nuunneqarsimasut ilaat pisortat aningaasaataanut ilanngunneqarsimannginneri, pissutaavoq.

 

Aningaasaliissutit assersuutigalugu makkuupput; atukkiussat, aktianik pisinerit, ingerlatseqatigiiffinnut immikkut inatsisitigut akisussaaffimmik tunineqarsimanngitsunut pigisanut aningaasaliinerit aamma Sanaartornermut aamma Eqqagassanut aningaasaateqarfimmut aningaasaliissutit 2019-imi suli atorneqarsimanngitsut 1.664 mio. kr.-it. Taakkunannga Namminersorlutik Oqartussanit SAS-ip aamma Danmarkimi naalagaaffeqatigiit Air Greenlandimut aktiataat pisiarivaat 461 mio. kr.-ilerlugit taakkulu saniatigut Greenland Holding A7S-imut 110 mio. kr.-it aningaassaliissutigeriarlugit Kalaallit Airports International A7S-imut 938 mio. kr.-it aningaasaliissutigalugit. Piffissaq ungasinnerusoq eqqarsaatigalugu aningaasaliissuteqarnissamut Aningaasaateqarfimmit 2019-imi aningaasaliissutit 838 mio. kr.-iupput. Sinneri ingerlatseqatigiiffiit immikkut inatsisitigut akisussaaffimmik tunineqarsimanngitsunut attartortitaapput imaluunniit tapiliussaallutik.

 

Pisortat aningaasaataanni Sanaartornermut aamma Eqqagassanut aningaasaateqarfimmut aamma Piffissaq ungasinnerusoq eqqarsaatigalugu aningaasaliissuteqarnissamut Aningaasaateqarfimmut aningaasaliissutituunngitsoq atorneqalernerini atuutilersinneqassapput. Aningaasaliissutit atorneqalinnginnerini sipaakkatut naleqartinneqassapput.

 

Suliaqarnermi aningaasat atorneqartut (atuinernut aningaasat atorneqartut) 2019-imi 197 mio. kr.-inik qaffapput 3.606 mio. kr.-inngorlutik, 5,8 pct.-imik qaffallutik. Taakkununnga ilaapput tunisassiornermi sulisunut aningaasarsisitsinerit taakku 2019-imi 50 mio. kr.-inik qaffassimapput 1.979 mio. kr.-inngorsimallutik aamma atuinerit 2019-imi 63 mio. kr.-inik qaffassimasut 1.881 kr.-inngorsimallutik. Nioqqutissanik kiffartuussinermillu tunisineq 81 mio. kr.-inik apparsimavoq 551 mio. kr.-inngorsimallutik 12,8 pct.-imik apparsimallutik.

 

Aalajangersimasunut nutaanut aningaasaliinerit aamma pisinerni tunisinerni aningaasat atorneqartut 87 mio. kr.-inik apparsimapput 243 mio. kr.-inngorsimallutik 26,4 pct.-inik apparsimallutik. Aningaasaliissutinik nuussinerit 170 mio. kr.-inik apparsimapput 69 mio. kr.-inngorlutik. Namminersorlutik Oqartussat aningaasaliissutaat katillugit 257 mio. kr.-inik apparsimapput 312 mio. kr.-inngorlutik.

 

Namminersorlutik Oqartussat isertitaat annertusisimapput 23 mio. kr.-inik 7.894 mio. kr.-inngorsimallutik 0,3 pct.-imik qaffassimallutik. Ingerlaavartumik aningaasanik nuussinerit annertuut EU-meersuupput Qallunaallu naalagaaffianeersuullutik. Isertitat ingerlaavartut 2019-imi 4.287 mio. kr.-iupput. Isertitanit taakkunaniit annertuut kommunit ingerlatsinerannut aningaasaliinerannullu nuunneqartarput. 2019-imi 2.280 mio. kr.-it kommuninut nuunneqarsimapput.